ടൊറന്റോ: കനേഡിയന്‍ പാസ്‌പോര്‍ട്ടുകളില്‍  ഭിന്നലിംഗക്കാര്‍ക്കും അവരുടെ ലൈംഗികത്വം കുറിക്കാന്‍ അവസരം. പുരുഷന്‍, സ്ത്രീ എന്നിവയ്‌ക്കൊപ്പം എക്‌സ് എന്ന ഇംഗ്ലീഷ് അക്ഷരം ഭിന്നലിംഗക്കാര്‍ക്ക് രേഖപ്പെടുത്താം. കനേഡിയന്‍ കുടിയേറ്റ വകുപ്പാണ് ഇക്കാര്യം അറിയിച്ചത്. പരമ്പരാഗതമല്ലാത്ത ലൈഗികത വെളിപ്പെടുത്താനുള്ള ജനങ്ങളുടെ അവകാശം ഇതിലൂടെ സംരക്ഷിക്കപ്പെടുകയാണ്. നേരത്തെ സ്വവര്‍ഗ ലൈഗികതയുള്ളവരുടെ പ്രശ്‌നങ്ങള്‍ മനസിലാക്കുന്നതിന് കനേഡിയന്‍ പ്രധാനമന്ത്രി ജസ്റ്റിന്‍ ട്രൂഡോ ഉപദേഷ്ടാവിനെ നിയമിച്ചിരുന്നു.