മക്ക: അനധികൃതമായി ഹജ്ജിനെത്തുന്നവരെ കണ്ടെത്താന്‍ പുതിയ സംവിധാനം ആരംഭിച്ചു. കൈയില്‍ കൊണ്ടണ്ടുനടക്കാവുന്നതാണ് ഉപകരണം.
ഈ ഉപകരണം ഉപയോഗിച്ച് വിരലടയാളം സ്‌കാന്‍ ചെയ്താല്‍ ഉടന്‍തന്നെ അവരുടെ മുഴുവന്‍ വിവരങ്ങളും ലഭിക്കും. ഇത്തരത്തില്‍ ആളുകളെ കണ്ടെണ്ടത്തിയാല്‍ ഹജ്ജ് പൂര്‍ത്തിയാക്കാന്‍ അനുവദിക്കുമെങ്കിലും പാസ്‌പോര്‍ട്ട് പോലെയുള്ള രേഖകള്‍ പിടിച്ചെടുക്കും.
ഹജ്ജിനെത്തുന്നവരുടെ സുരക്ഷിതത്വം കണക്കിലെടുത്താണ് അനധികൃതമായി എത്തുന്നവരെ തടയുന്നത്. ഇത്തരം ആളുകള്‍ പിടിക്കപ്പെട്ടാല്‍ വിദേശികളാണെങ്കില്‍ തടവും നാടുകടത്തലും പിഴയുമാണ് ശിക്ഷ. നാഷണല്‍ ആന്‍ഡ് പബ്ലിക് സെക്യൂരിറ്റി ഇന്‍ഫര്‍മേഷന്‍ സെന്റര്‍ ആണ് ഉപകരണം പുറത്തിറക്കിയത്.