പെരുമ്പാവൂര്‍: കളഞ്ഞുകിട്ടിയ പണമടങ്ങിയ ബാഗ് ഉടമസ്ഥന് തിരികെ നല്‍കി ഓട്ടോ ഡ്രൈവര്‍ മാതൃകയായി. വല്ലം ഗ്രീന്‍ലാന്റ് കമ്പനിക്ക് സമീപത്ത് നിന്നും റോഡരികില്‍ നിന്നും 16,000 രൂപ, ചെക്ക് ബുക്ക്, എ.റ്റി.എം കാര്‍ഡ് എന്നിവയടങ്ങിയ ബാഗാണ് പെരുമ്പാവൂര്‍ സാന്‍ജോ ആശുപത്രിക്ക് സമീപം ഓട്ടോ ഓടിക്കുന്ന സൗത്ത് വല്ലം കുംമ്പശ്ശേരി വീട്ടില്‍ സെയ്തുവിന് ലഭിച്ചത്.
 തുടര്‍ന്ന് ബാഗ് പെരുമ്പാവൂര്‍ പൊലിസ് സ്റ്റേഷനില്‍ ഏല്‍പ്പിക്കുകയായിരുന്നു. പിന്നീട് പെരുമ്പാവൂര്‍ എസ്.ഐ പി.എ ഫൈസലിന്റെ സാന്നിദ്ധ്യത്തില്‍ ഓട്ടോ ഡ്രൈവര്‍ സെയ്തു ഉടമസ്ഥന് ബാഗ് തിരികെ നല്‍കി.