മാനന്തവാടി: വാഹന പരിശോധനക്കിടെ വെടിയുണ്ടകളുമായി രണ്ടുപേരെ പൊലിസ് പിടികൂടി. തിരുനെല്ലി എസ്.ഐ ജെ ജിനേഷിന്റെ നേതൃത്വത്തില്‍ തോല്‍പ്പെട്ടിയില്‍ നടത്തിയ വാഹന പരിശോധനക്കിടെയാണ് ബൈക്കില്‍ കടത്തുകയായിരുന്ന പന്ത്രണ്ട് വെടിയുണ്ടകള്‍ പിടികൂടിയത്.
സംഭവത്തില്‍ പുല്‍പ്പള്ളി സീതാമൗണ്ട് സ്വദേശികളായ പുത്തന്‍പുരയില്‍ റെനീഷ് (33), പെരുമ്പള്ളിക്കുന്നേല്‍ വടയാറ്റില്‍ ഷിബു (35)എന്നിവരാണ് പിടിയിലായത്. ട്വല്‍വ് ബോര്‍ ലോങ് റെയ്ഞ്ച് (ഠംലഹ്‌ല യീൃല ഹീിഴ ൃമിഴല) കാട്രിഡ്ജുകളാണ് പിടികൂടിയതെന്ന് പൊലിസ് അറിയിച്ചു.
ഇതുസംബന്ധിച്ച് അന്വേഷണം ഊര്‍ജിതമാക്കിയതായി തിരുനെല്ലി എസ്.ഐ ജിനേഷ് പറഞ്ഞു. സംഭവത്തെ തുടര്‍ന്ന് രാത്രി തന്നെ പ്രതികളുടെ വീട്ടില്‍ തിരച്ചില്‍ നടത്തിയെങ്കിലും കൂടുതല്‍ തെളിവുകളും തൊണ്ടികളും കണ്ടെത്താനായിരുന്നില്ല.