കാസര്‍കോട്: ജില്ലാ ഭരണകൂടം, കുടുംബശ്രീ ബി.ആര്‍.ഡി.സി, ഡി.ടി.പി.സി, ഉദുമ-പള്ളിക്കര ഗ്രാമപഞ്ചായത്തുകള്‍ സഹകരിച്ച് നടത്തുന്ന ഓണാഘോഷപരിപാടികളുടെ ഭാഗമായി ഓണം ഒരുമ മെഗാപൂക്കളവും ഘോഷയാത്രയും ഇന്നു നടക്കും. ഉച്ചതിരിഞ്ഞു മൂന്നു മുതല്‍ പാലക്കുന്നു മുതല്‍ പള്ളിക്കര ബേക്കല്‍ ബീച്ച് പാര്‍ക്ക് വരെ ആയിരങ്ങള്‍ അണിനിരക്കുന്ന വര്‍ണാഭമായ ഘോഷയാത്ര സംഘടിപ്പിക്കും.
ഘോഷയാത്രയില്‍ അണിനിരക്കുന്ന ഫ്‌ളോട്ടുകളില്‍ മികച്ചതിന് 25000 രൂപ ക്യാഷ് പ്രൈസ് നല്‍കും. പള്ളിക്കര ബേക്കല്‍ ബീച്ച് പാര്‍ക്കില്‍ വൈകീട്ട് ആറിന് ഔദ്യോഗിക ഉദ്ഘാടനം പി. കരുണാകരന്‍ എം.പി നിര്‍വഹിക്കും. സംഘാടകസമിതി ചെയര്‍മാന്‍ കെ. കുഞ്ഞിരാമന്‍ എം.എല്‍.എ അധ്യക്ഷനാകും.