ലഖ്‌നൗ: സംസ്ഥാനത്ത് വെള്ളപ്പൊക്കം രൂക്ഷമായി തുടരുന്നു. കാലവര്‍ഷക്കെടുതിയില്‍ ഇതുവരെ 104 പേര്‍ മരിച്ചതായി സര്‍ക്കാര്‍ ഔദ്യോഗികമായി അറിയിച്ചു. 28 ലക്ഷം ജനങ്ങളെയാണ് വെള്ളപ്പൊക്ക ദുരിതം ബാധിച്ചത്. നേപ്പാളില്‍ നിന്ന് ഇന്ത്യയിലേക്ക് ഒഴുകുന്ന നദികള്‍ കരകവിഞ്ഞ് ഒഴുകുകയാണ്. ഏതാണ്ട് മൂന്നുലക്ഷം പേരെ ദുരിതാശ്വാസ കേന്ദ്രങ്ങളിലേക്ക് മാറ്റിയിട്ടുണ്ട്. സംസ്ഥാനത്തെ 24 ജില്ലകളിലെ 3,097 ഗ്രാമങ്ങളെ വെള്ളപ്പൊക്കം ബാധിച്ചതായി ദേശീയ ദുരന്തനിവാരണ സേന അറിയിച്ചു.