വാഷിങ്ടണ്‍: അമേരിക്ക റഷ്യ ബന്ധം വീണ്ടും വഷളാകുന്നു. സാന്‍ഫ്രാന്‍സിസ്‌കോയിലെ റഷ്യന്‍ കോണ്‍സുലേറ്റും വാഷിങ്ടണിലെയും ന്യുയോര്‍ക്കിലെയും അനെക്‌സും അടച്ചുപൂട്ടാന്‍ അമേരിക്ക റഷ്യയോട് ആവശ്യപ്പെട്ടു. ശനിയാഴ്ചയോടെ കോണ്‍സുലേറ്റ് അടയ്ക്കണമെന്നാണ് അമേരിക്ക ആവശ്യപ്പെട്ടിരിക്കുന്നത്.

അമേരിക്കന്‍ സ്റ്റേറ്റ് സെക്രട്ടറി റെകസ് ടില്ലര്‍സണ്‍ റഷ്യന്‍ സ്റ്റേറ്റ് സെക്രട്ടറി സെര്‍ജി ലാവ്‌റോവിനെ ഫോണില്‍ വിളിച്ചാണ് ഇക്കാര്യം അറിയിച്ചത്. ഇരു രാജ്യങ്ങളും തമ്മിലുള്ള ബന്ധം വഷളാകുന്നതില്‍ ലാവ്‌റോവ് ആശങ്ക അറിയിച്ചെന്നാണ് സൂചന.

റഷ്യയിലെ അമേരിക്കന്‍ സാന്നിധ്യം കുറയ്ക്കണമെന്ന റഷ്യന്‍ പ്രസിഡന്റ് വ്‌ളാഡിമിര്‍ പുടിന്റെ തീരുമാനത്തിനു പിന്നാലെയാണ് ട്രംപ് ഭരണകൂടത്തിന്റെ നടപടി.