സുല്‍ത്താന്‍ ബത്തേരി: അന്താരാഷ്ട്ര പരിസ്ഥിതി കൂട്ടായ്മയായ 'ഇക്കോവേവ്‌സി'ന്റെ ടൈറ്റില്‍ ആന്റ് ലോഗോ ലോഞ്ച് സുല്‍ത്താന്‍ ബത്തേരിയില്‍ നടന്നു.
'മനം ശുദ്ധമാക്കാം, മണ്ണ് സുന്ദരമാക്കാം' എന്ന മുദ്രാവാക്യവുമായി ഗള്‍ഫ് ഉള്‍പ്പെടെയുള്ള രാജ്യങ്ങളില്‍ പ്രവര്‍ത്തിച്ചുവരുന്ന സംഘടനയാണിത്.
അന്താരാഷ്ട്ര മൈന്റ് ട്യൂണ്‍ പരിശീലകന്‍ ഡോ. സി.എ റസാഖിന്റെ ഫാമിലി ട്യൂണ്‍ തുടങ്ങി ഏഴ് വ്യത്യസ്ത പ്രോഗ്രാമുകളില്‍ പങ്കെടുത്തവരുടെ തുടര്‍ പരിശീലന കൂട്ടായ്മയാണ് ഇക്കോവേവ്‌സ്.
ഖത്തറിലെ പ്രമുഖ പരിസ്ഥിതി പ്രവര്‍ത്തകനും ചാലിയാര്‍ ദോഹ പ്രസിഡന്റുമായ വി.സി. മഷ്ഹൂദ് പ്രകൃതിസംരക്ഷണ പ്രതിജ്ഞയ്ക്ക് നേതൃത്വം നല്‍കി. പരിസ്ഥിതി രക്ഷായാത്ര ശബ്‌നം, രജിതാ മേനോന്‍, റഷീദ, എബി, അസീല്‍ ഫുആദ് നയിച്ചു.
ക്രസന്റ് റിസോര്‍ട്ടില്‍ നടന്ന ചടങ്ങില്‍ ഹാപ്പി ലൈഫ് കോച്ച് ഡോ. സി.എ റസാഖ്, ഇക്കോ വേവ്‌സ് കേരള നിയുക്ത ചെയര്‍മാന്‍ പ്രദീപ് മേനോന്‍ പാലക്കാട്, ക്രസന്റ് ഹോസ്പിറ്റാലിറ്റി ജനറല്‍ മാനേജര്‍ അന്‍വര്‍ എന്നിവര്‍ ചേര്‍ന്ന് വൃക്ഷത്തൈ നട്ടു.
ഷമീര്‍ ദോഹ, സുമേഷ് വയനാട്, സഹീര്‍ കണ്ണൂര്‍, ഡിജോ ചാലക്കുടി, ഷുഐബ് തൃശൂര്‍, അഡ്വ. അബ്ദുല്‍ അസീസ്, സുഗന്ധി നാമക്കല്‍, ടൊയോട്ട മഹ്‌റൂഫ് സംസാരിച്ചു.