ന്യൂഡല്‍ഹി: ലോക ബാഡ്മിന്റണ്‍ ചാംപ്യന്‍ഷിപ്പിലെ മികച്ച പ്രകടത്തിന്റെ അടിസ്ഥാനത്തില്‍ സൂപ്പര്‍ താരങ്ങളായ സൈന നേഹ്‌വാളിനും പി.വി സിന്ധുവിനും കേന്ദ്ര കായിക മന്ത്രാലയത്തിന്റെ ആദരം. കായിക മന്ത്രി വിജയ് ഗോയലിന്റെ നേതൃത്വത്തിലായിരുന്നു ആദരിച്ചത്. കിദംബി ശ്രീകാന്തിനെയും അനുമോദിച്ചിട്ടുണ്ട്.
ലോക ചാംപ്യന്‍ഷിപ്പില്‍ സിന്ധു വെള്ളിയും സൈന വെങ്കലവുമാണ് സ്വന്തമാക്കിയത്. ഇരുവരുടെയും പരിശീലകരായ പുലേല്ല ഗോപീചന്ദിനെയും വിമല്‍ കുമാറിനെയും കായിക മന്ത്രി പ്രത്യേകം അഭിനന്ദിച്ചു. സിന്ധുവും സൈനയും ഉപരാഷ്ട്രപതി വെങ്കയ നായിഡുവിനെയും സന്ദര്‍ശിച്ചു. ഇന്ത്യയുടെ അഭിമാനമുയര്‍ത്താന്‍ സിന്ധുവിനും സൈനയ്ക്കും സാധിച്ചതായി കായികമന്ത്രി വ്യക്തമാക്കി.