കൊളംബോ: ശ്രീലങ്കയ്‌ക്കെതിരായ നാലാം ഏകദിനത്തില്‍ ഇന്ത്യക്ക് 168 റണ്‍സ് ജയം. ഇന്ത്യ ഉയര്‍ത്തിയ 376 റണ്‍സ് വിജയലക്ഷ്യം പിന്തുടര്‍ന്ന ലങ്ക 207 റണ്‍സിന് കൂടാരം കയറുകയായിരുന്നു. എയ്ഞ്ചലോ മാത്യൂസ് (70) മാത്രമാണ് പോരാട്ടവീര്യം പുറത്തെടുത്തത്. സിരിവര്‍ധന(39) വാനിന്ദു ഡിസില്‍വ(22) എന്നിവരും ഭേദപ്പെട്ട പ്രകടനം കാഴ്ച്ചവച്ചു.
ജസ്പ്രിത് ബുമ്‌റ, ഹര്‍ദിക് പാണ്ഡ്യ, കുല്‍ദീപ് യാദവ് എന്നിവര്‍ രണ്ടുവിക്കറ്റെടുത്തു. നേരത്തെ വിരാട് കോഹ്‌ലി(131) രോഹിത് ശര്‍മ(104) എന്നിവരുടെ സെഞ്ച്വറിയുടെ മികവിലാണ് ഇന്ത്യ 375 റണ്‍സെന്ന കൂറ്റന്‍ സ്‌കോര്‍ സ്വന്തമാക്കിയത്. മനീഷ് പാണ്ഡെ(50*) മഹേന്ദ്ര സിങ് ധോണി(49*) എന്നിവരും തിളങ്ങി.