നിലമ്പൂര്‍: അഞ്ചേമുക്കാല്‍ കിലോ കഞ്ചാവുമായി രണ്ടുപേര്‍ പിടിയില്‍. കോട്ടയം കൈപ്പുഴ ചെറുകര തെക്കേതില്‍ അനന്തു (18), കോട്ടയം സ്വദേശി ലിറ്റോ മാത്യു (18) എന്നിവരെയാണ് അറസ്റ്റ് ചെയ്തത്.
ഇന്നലെ രാവിലെ 9.45ഓടെ നിലമ്പൂര്‍ റെയില്‍വേ സ്റ്റേഷന്‍ പരിസരത്തുവച്ചാണ് ഇവര്‍ പിടിയിലായത്. ജില്ലാ പൊലിസ് മേധാവി ദേബേഷ് കുമാര്‍ ബെഹ്‌റക്ക് ലഭിച്ച രഹസ്യവിവരത്തെ തുടര്‍ന്ന് ഡിവൈ.എസ്.പി എം.പി മോഹനചന്ദ്രന്റെ നിര്‍ദേശപ്രകാരമാണ് പരിശോധന നടത്തിയത്. കോട്ടയത്തേക്ക് കൊണ്ടുപോകുന്നതിനാണ് കഞ്ചാവ് എത്തിച്ചതെന്നും തമിഴ്‌നാട്ടില്‍ നിന്നാണ് ഇത് കൊണ്ടുവന്നതെന്നും പ്രതികള്‍ പൊലിസിന് മൊഴിനല്‍കിയിട്ടുണ്ട്. വടകര നര്‍ക്കോട്ടിക് കോടതിയില്‍ ഹാജരാക്കിയ പ്രതികളെ റിമാന്റ് ചെയ്തു.