പന്തല്ലൂര്‍: ജനവാസ കേന്ദ്രത്തിലിറങ്ങിയ കാട്ടാനക്കൂട്ടം വീടിന് മുന്നില്‍ നിര്‍ത്തിയിട്ടിരുന്ന ഓട്ടോറിക്ഷ തകര്‍ത്തു. പന്തല്ലൂര്‍ താലൂക്കിലെ നെല്ലിയാളം ടാന്‍ ടി രണ്ടാം റെയ്ഞ്ചില്‍ താമസിക്കുന്ന രഘുവിന്റെ ഓട്ടോറിക്ഷയാണ് കാട്ടാന തകര്‍ത്തത്. പുലരുവോളം ജനവാസ കേന്ദ്രത്തില്‍ തമ്പടിച്ച കാട്ടാന വ്യാപകമായ വിളനാശവും വരുത്തിയിട്ടുണ്ട്. വിവരമറിഞ്ഞ് ബിതൃക്കാട് ഫോറസ്റ്റ് റെയ്ഞ്ചര്‍ മനോഹരന്റെ നേതൃത്വത്തിലെത്തിയ വനപാലക സംഘം വനത്തിലേക്ക് തുരത്തി.