കണ്ണൂര്‍: സമസ്ത കേരള ജംഇയ്യത്തുല്‍ ഉലമ ജില്ലാ കമ്മിറ്റി കേരളത്തിനകത്തും പുറത്തും ജില്ലയില്‍ നിന്നു അറബിക് കോളജുകളില്‍ പഠിക്കുന്ന മുഅല്ലിംകള്‍ക്കുള്ള സമസ്ത സ്‌കോളര്‍ഷിപ്പ് വിതരണം അഞ്ചിന് രാവിലെ 11ന് കണ്ണൂര്‍ ജില്ലാ ഇസ്‌ലാമിക് സെന്ററില്‍ നടക്കും. സമസ്ത കേരള ഇസ്‌ലാം മത വിദ്യാഭ്യാസ ബോര്‍ഡ് പ്രസിഡന്റ് പി.കെ.പി അബ്ദുസ്സലാം മുസ്‌ലിയാര്‍ ഉദ്ഘാടനം ചെയ്യും. മാണിയൂര്‍ മുഹമ്മദ് മുസ്‌ലിയാര്‍, പി.പി ഉമര്‍ മുസ്‌ലിയാര്‍, കെ.കെ.പി അബ്ദുല്ല മുസ്‌ലിയാര്‍, സയ്യിദ് എ. ഉമര്‍കോയ തങ്ങള്‍, ടി ഇബ്രാഹിം മുസ്‌ലിയാര്‍, കെ.ടി അബ്ദുല്ല മുസ്‌ലിയാര്‍, മാണിയൂര്‍ അബ്ദുറഹ്മാന്‍ ഫൈസി സംബന്ധിക്കും. അപേക്ഷ നല്‍കിയ മുഴുവന്‍ പേരും കൃത്യസമയത്ത് എത്തിച്ചേരണം.