അബുദാബി: എസ്.കെ.എസ്.എസ്.എഫ് അബുദാബി കണ്ണൂര്‍ ജില്ലാ കമ്മിറ്റി മാസത്തില്‍ നടത്തിവരുന്ന മജ്‌ലിസുന്നൂര്‍ ആത്മീയ സദസിന്റെ നാലാം വാര്‍ഷികത്തോടനുബന്ധിച്ച് 15ന് രാത്രി ഏഴിന് അബുദാബി ഇന്ത്യന്‍ ഇസ്‌ലാമിക് സെന്ററില്‍ നടക്കുന്ന ഉസ്താദ് അസ്‌ലം അസ്ഹരിയുടെ പ്രഭാഷണത്തിന്റെ ബ്രോഷര്‍ പ്രകാശനം ചെയ്തു.
അബുദാബി ഇന്ത്യന്‍ ഇസ്‌ലാമിക് സെന്ററില്‍ മുഷ്‌രിഫ് ഗ്രൂപ്പ് ഓഫ് കമ്പനീസ് എം.ഡി ഫൈസല്‍, ഐ.ഐ.സി ആക്ടിങ് ജനറല്‍ സെക്രട്ടറി എം.എം നാസര്‍, സുന്നി സെന്റര്‍ സെക്രട്ടറി സയ്യിദ് അബ്ദുറഹിമാന്‍ തങ്ങള്‍ എന്നിവര്‍ ചേര്‍ന്ന് പ്രകാശനം നിര്‍വഹിച്ചു.
സാബിര്‍ മാട്ടൂല്‍, അശ്‌റഫ് ഹാജി വാരം, ബീരാന്‍ ഹാജി, മൊയ്തീന്‍ കുട്ടി കൊയ്യം, സജീര്‍ ഇരിവേരി, ശിഹാബ് കക്കാട്, ഹഫീള് ചാലാട്, നിയാസ് വട്ടപ്പൊയില്‍, അബ്ദുല്ല എറന്തല, ശിഹാബ് പരിയാരം, ഹാഷിര്‍ വാരം, താഹിര്‍ കക്കാട് സംബന്ധിച്ചു.