പള്ളിക്കല്‍: പഞ്ചായത്തിലെ നിര്‍ധന കുടുംബങ്ങള്‍ക്ക് പള്ളിക്കല്‍ ഗ്രാമപഞ്ചായത്ത് പ്രസിഡന്റിന്റെ വക ഓണസമ്മാനം. മറ്റുള്ളവരെ സഹായിക്കാന്‍ സ്വന്തമായി ഉയര്‍ന്ന സമ്പത്തികം ഇല്ലാതിരുന്നിട്ടും തന്റെ പഞ്ചായത്തില്‍ ഉള്ളവരെല്ലാം ഭംഗിയായി തന്നെ ഓണം ഉണ്ണണമെന്ന ആഗ്രഹം സുമനസുകളുടെ സഹായത്തോടെ സഫലമാക്കിക്കിയാണ് പ്രസിഡന്റ് പി മിഥുന ഓണം സമ്മാനമായി ഭക്ഷണ കിറ്റ് വിതരണം ചെയ്തത്.
ചടങ്ങ് പി അബ്ദുല്‍ ഹമീദ് എം.എല്‍.എ ഉദ്ഘാടനം ചെയ്തു. സ്വന്തം പ്രയാസങ്ങള്‍ക്കിടയിലും നിര്‍ധനരും സമൃദ്ധമായി ഓണം ഉണ്ണണമെന്ന ആഗ്രഹം പൂര്‍ത്തീകരിച്ച് മറ്റുള്ളവര്‍ക്ക് മാതൃക കാണിച്ച വിദ്യാര്‍ഥിനി കൂടിയായ പ്രസിഡന്റ് പി മിഥുനയെ എം.എല്‍.എ അഭിനന്ദിച്ചു. പി മിഥുന അധ്യക്ഷയായി.
മുന്‍ ഗ്രാമ പഞ്ചായത്ത് പ്രസിഡന്റ് കെ.പി മുസ്തഫ തങ്ങള്‍ മുഖ്യപ്രഭാഷണം നടത്തി. എം അബ്ദുല്‍ ഖാദര്‍, കെ നാരായണി, ലത്തീഫ് കൂട്ടാലുങ്ങല്‍, കെ ഖൈറാബി, എ വഹീദാ ബാനു, കെ അബൂബക്കര്‍, കെ രാമന്‍ സംസാരിച്ചു.