മക്കാവു: എ.എഫ്.സി ഏഷ്യന്‍ കപ്പ് യോഗ്യതാ ഫുട്‌ബോളില്‍ ഇന്ത്യയ്ക്ക് തുടര്‍ച്ചയായ മൂന്നാം ജയം. എവെ മത്സരത്തില്‍ മക്കാവുവിനെതിരെ മടക്കമില്ലാത്ത രണ്ട് ഗോളിനാണ് ഇന്ത്യയുടെ ജയം.

മക്കാവു ഒളിമ്പിക് സ്‌റ്റേഡിയത്തില്‍ നടന്ന മത്സരത്തില്‍ ബല്‍വന്ത് സിങിന്റെ ഇരട്ടഗോളിനാണ് ഇന്ത്യ ജയിച്ചത്.

57, 82 മിനിറ്റുകളിലായിരുന്നു ബല്‍വന്തിന്റെ ഗോളുകള്‍. ഗ്രൂപ്പ് എയില്‍ കിര്‍ഗിസ്താന്‍, മ്യാന്മര്‍ എന്നിവയ്‌ക്കെതിരെയായിരുന്നു ഇന്ത്യയുടെ ആദ്യ രണ്ട് ജയങ്ങള്‍. ഇന്ത്യയുടെ തോല്‍വിയറിയാതെയുള്ള തുടര്‍ച്ചയായ പതിനൊന്നാം മത്സരം കൂടിയായിരുന്നു ഇത്.