കാട്ടാക്കട: പാര്‍ലിമെന്റ് നെയ്യാര്‍ഡാമിലും. പക്ഷേ അത് അത്തപ്പൂക്കളത്തിന്റെ രൂപത്തില്‍. ഓണാഘോഷത്തിന്റെ ഭാഗമായി അനശ്വര ആര്‍ട്‌സ് ആന്‍ഡ് സ്‌പോര്‍ട്‌സ് ക്ലബ്ബ് കള്ളിക്കാട് പഞ്ചായത്തിലെ പെരിഞ്ഞംകടവില്‍ ഇത്തവണ അത്തപൂക്കളം ഒരുക്കിയത് പാര്‍ലിമെന്റ് മാതൃകയിലാണ്. നാട്ടുകാര്‍ക്കും നെയ്യാര്‍ഡാമിലെയെത്തുന്ന സ്വദേശികളും വിദേശികളുമുള്‍പ്പടെയുള്ള യാത്രക്കാര്‍ക്ക് പാര്‍ലമെന്റ് പൂക്കളം കൗതുക കാഴ്ചയായി.
ആയിരം ചതുരശ്ര അടിയില്‍ ഇരുപത്തടിയോളം പൊക്കത്തിലാണ് പാര്‍ലമെന്റ് മാതൃക. ആര്‍ട്ടിസ്റ്റ് ബാലുവിന്റെ നേതൃത്വത്തില്‍ ക്ലബിലെ ചെറുപ്പക്കാര്‍ ചേര്‍ന്നൊരുക്കിയ പാര്‍ലിമെന്റ് കാമറയില്‍ പകര്‍ത്താനും അതിനു മുന്നില്‍ നിന്നു സെല്‍ഫി എടുക്കാനും മത്സരമായിരുന്നു.