ആനക്കര: മദ്യപിച്ചെത്തിയ മകനെ വെട്ടിക്കൊന്ന സംഭവത്തില്‍ പിതാവ് പൊലിസ് പിടിയിലായി. തിരുമിറ്റക്കോട് കൊഴിക്കാട്ടിരി പാലത്തിന് സമാപം തെക്കെതില്‍ ബുഹാരി(63)യാണ് പിടിയിലായത്. പട്ടാമ്പി സി.ഐ രമേഷിന്റെ നേത്യത്വത്തിലുളള സംഘമാണ് പട്ടാമ്പി റെയില്‍ വേസ്റ്റഷന് സമീപത്ത് നിന്നും പിടികൂടിയത്.
സഹോദരന്റെ ഭാര്യയോയും സഹോദരിമാരെയും മര്‍ദിക്കുന്നത് കണ്ട് പിതാവ് വാക്കത്തിയെടുത്ത് വെട്ടിക്കൊല്ലുകയായിരുന്നു. ബുഹാരിയുടെ മകന്‍ റിയാസ് (30 )ന്റെ ഇരുകാലുകളും വെട്ടി മുറിവേല്‍പ്പിച്ചതിനാല്‍ റിയാസ് തിങ്കളാഴ്ച്ച രാത്രി 10 മണിയോടെ പെരിന്തര്‍മ്മണ്ണയിലെ സ്വകാര്യ ആശുപത്രിയിലാണ് മരിച്ചത്. സംഭവത്തെ തുടര്‍ന്ന് മുങ്ങിയ പ്രതിയെ ബുധനാഴ്ച്ച വൈകിട്ട് 6.30 നോടെയാണ് പിടികൂടിയത്.
റിയാസിന് ഭാര്യയും രണ്ട് കുട്ടികളുമുണ്ട്. സ്ഥിരം മദ്യപാനിയായ റിയാസിന്റെ ശല്യം കാരണം ഭാര്യയും കുട്ടികളും അവരുടെ വീട്ടിലാണ് താമസം.