കൊടകര: എസ്.എന്‍.ഡി.പി യോഗം കൊടകര യൂണിയന്റെ ആഭിമുഖ്യത്തില്‍ ശ്രീ നാരായണ ജയന്തി ആഘോഷിച്ചു. ജയന്തി ആഘോഷത്തിന്റെ ഭാഗമായി കിഴക്കേ കോടാലിയില്‍ നിന്നും കോടാലിയിലേക്ക് വര്‍ണ്ണ ശബളമായ ഘോഷയാത്ര ഉണ്ടായിരുന്നു.
തുടര്‍ന്ന് കോടാലി ജി.എല്‍.പി.എസ് മൈതാനിയില്‍ ചേര്‍ന്ന പൊതുയോഗം വിദ്യാഭ്യാസ മന്ത്രി പ്രൊഫ. സി രവീന്ദ്രനാഥ് ഉദ്ഘാടനം ചെയ്തു.
യോഗം പ്രസിഡന്റ് സുന്ദരന്‍ മൂത്തമ്പാടന്‍ അധ്യക്ഷനും പഞ്ചായത്ത് പ്രസിഡന്റ്മാരായ പി.സി സുബ്രന്‍, പി.ആര്‍ പ്രസാദന്‍, സന്ധ്യ നൈസന്‍, കൊടകര കാര്‍ഷിക കാര്‍ഷികേതര വികസന സഹകരണ സംഘം വൈസ് പ്രസിഡന്റ് എ.ബി ചക്രപാണി മുഖ്യാതിഥികളും ആയിരുന്നു.
ബീന നന്ദകുമാര്‍, മോഹനന്‍ ചള്ളിയില്‍, സന്ധ്യ സജീവന്‍, യോഗം സെക്രട്ടറി കെ.ആര്‍ ദിനേശന്‍, വൈസ് പ്രസിഡന്റ് സി പ്രഭാകരന്‍ സംസാരിച്ചു.
വടക്കാഞ്ചേരി: ശ്രീനാരായണ ഗുരുദേവന്റെ നൂറ്റി അറുപത്തിമൂന്നാം ജയന്തി എസ്.എന്‍.ഡി.പി യോഗം തലപ്പിള്ളി യൂണിയന്റെ നേതൃത്വത്തില്‍ ആഘോഷിച്ചു. അത്താണിയില്‍ നിന്ന് പാര്‍ളിക്കാട് നടരാജഗിരിയിലേക്ക് നടന്ന ഘോഷയാത്രയില്‍ നിരവധി ശ്രീനാരായണീയര്‍ കണ്ണികളായി. യൂണിയന്‍ ഹാളില്‍ നടന്ന പൊതുസമ്മേളനം കലാമണ്ഡലം മുന്‍ ചെയര്‍മാന്‍ ചൊവ്വല്ലൂര്‍ കൃഷ്ണന്‍കുട്ടി ഉദ്ഘാടനം ചെയ്തു. യൂണിയന്‍ പ്രസിഡണ്ട് എം.എസ് ധര്‍മ്മരാജന്‍ അധ്യക്ഷത വഹിച്ചു. ടി.ആര്‍ രാജേഷ് , എന്‍.കെ സോമനാഥന്‍ സംസാരിച്ചു.