കുന്ദമംഗലം: അങ്കണവാടികളില്‍ ചേര്‍ക്കപ്പെടുന്ന കുട്ടികള്‍ക്ക് മറ്റു നഴ്‌സറി കുട്ടികളെക്കാള്‍ ബുദ്ധിനിലവാരം വളരെ കൂടുതലാണെന്നും ഇതിന് കാരണം വിദ്യഭ്യാസത്തോടൊപ്പം ലഭ്യമാക്കേണ്ട പോഷകാഹാരത്തിന്റെ ഗുണപ്രദമായ ഉപയോഗവും ശിക്ഷണം ലഭിച്ച ജീവനക്കാരുടെ മേല്‍നോട്ടവുമാണെന്ന് പ്രതിപക്ഷ ഉപനേതാവ് ഡോക്ടര്‍ എം.കെ മുനീര്‍ എം.എല്‍.എ പറഞ്ഞു.
ഐ.സി.ഡി എസിന്റെ പതിമൂന്ന് ലക്ഷം രൂപ ചെലവഴിച്ച് കുന്ദമംഗലം പഞ്ചായത്ത് ഒന്നാം വാര്‍ഡില്‍ നിര്‍മിച്ച തോട്ടത്തില്‍ അങ്കണവാടി കെട്ടിടം ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. പഞ്ചായത്ത് പ്രസിഡന്റ് ഷമീന വെള്ളക്കാട്ട് അധ്യക്ഷയായി. വെസ് പ്രസിഡന്റ്് വിനോദ് പടനിലം, ക്ഷേമകാര്യ ചെയര്‍മാന്‍ കെ.പി കോയ, വാര്‍ഡ് മെമ്പര്‍ എ.കെ ഷൗക്കത്തലി, പഞ്ചായത്ത് അംഗങ്ങളായ എം.എം സുധീഷ് കുമാര്‍, ശ്രീബ പുല്‍ക്കുന്നുമ്മല്‍, എം.വി ബൈജു, യു. മാമു, എ. രാജു, എം ജൗഹര്‍, കെ.സി രാജന്‍, എ.പി സഫിയ, വി.പി സലീം, ടി. ഷംസുദ്ദീന്‍, എ. കാര്‍ത്ത്യായനി പ്രസംഗിച്ചു.