സുല്‍ത്താന്‍ ബത്തേരി: വിദ്യാര്‍ഥികള്‍ക്കടക്കം കഞ്ചാവ് വില്‍പന നടത്തുന്നയാളെ ബത്തേരി എക്‌സൈസ് പിടികൂടി. ബത്തേരി പള്ളിക്കണ്ടി മീത്തലേകരുവത്ത് അസീസി(50)നെയാണ് ടൗണില്‍വച്ച് കഴിഞ്ഞദിവസം രാത്രി പിടികൂടിയത്.
ഇയാളില്‍നിന്നു 50 ഗ്രാം കഞ്ചാവ് കണ്ടെടുത്തു. ചെറിയ 20 പൊതികളിലായാണ് കഞ്ചാവ് പിടികൂടിയത്. ഇയാളെ ബത്തേരി ജെ.സി.എം ഒന്ന് കോടതിയില്‍ ഹാജരാക്കി. എക്‌സൈസ് ഇന്‍സ്‌പെക്ടര്‍ ടി. ഷറഫുദ്ദീന്‍, പ്രീവന്റീവ് ഓഫിസര്‍ എം. രാജേഷ്, സി.ഇ.ഒമാരായ അഭിലാഷ് ഗോപി, കെ. ജോഷി എന്നിവരുടെ നേതൃത്തിലാണ് അസീസിനെ അറസ്റ്റ് ചെയ്തത്.