പാലാ: വൈ.എം.സി.എ പൈകയുടെ ആഭിമുഖ്യത്തില്‍ അഖില കേരളാ വടംവലി മത്സരം ഒന്‍പതിന് വൈകിട്ട് അഞ്ച് മുതല്‍ പൈക ലിറ്റില്‍ ഫ്‌ളവര്‍ എല്‍.പി.എസ് ഗ്രൗണ്ടില്‍ നടക്കും. പാലാ പൊലിസ് സി.ഐ രാജന്‍ കെ. അരമന മത്സരങ്ങള്‍ ഉദ്ഘാടനം ചെയ്യും. ക്ലബ് പ്രസിഡന്റ് തോമാച്ചന്‍ പാലക്കുടി അധ്യക്ഷനാകും. പൈക സെന്റ് ജോസഫ് പള്ളി വികാരി ഫാ.അഗസ്റ്റിന്‍ കോലത്ത് അനുഗ്രഹപ്രഭാഷണം നടത്തും. ഡോ.മാത്യു മാലയില്‍ ടീമംഗങ്ങളെ പരിചയപ്പെടുത്തും. 200001 രൂപയാണ് ഒന്നാം സമ്മാനം. 40ഓളം ടീമുകള്‍ പങ്കെടുക്കും. മത്സരത്തോടനുബന്ധിച്ച് സമ്മാനക്കൂപ്പണ്‍ നറുക്കെടുപ്പും നടക്കും.