കോഴിക്കോട്: റോഹിംഗ്യന്‍ ജനതക്ക് ഐക്യദാര്‍ഢ്യം പ്രഖ്യാപിച്ച് ജില്ലാ എസ്.കെ.എസ്.എസ്.എഫിന്റെ ആഭിമുഖ്യത്തില്‍ 100 ക്ലസ്റ്റര്‍ കേന്ദ്രങ്ങളില്‍ നാളെ റാലി നടത്തും.
സമാനതകളില്ലാത്ത വിധം അത്യന്തം പ്രകൃതവും മനുഷ്യത്വരഹിതവുമായ പ്രവര്‍ത്തനങ്ങളാണ് റോഹിംഗ്യന്‍ മുസ്‌ലിംകള്‍ക്കെതിരേ നടക്കുന്നത്. പ്രാണരക്ഷാര്‍ഥം അഭയം തേടിയെത്തിയ ജനതയെ തിരിച്ചയക്കാനുള്ള നീക്കത്തില്‍നിന്ന് കേന്ദ്ര സര്‍ക്കാര്‍ പിന്തിരിയണമെന്നും എസ്.കെ.എസ്.എസ്.എഫ് ആവശ്യപ്പെട്ടു.
റാലി വിജയിപ്പിക്കാന്‍ മുഴുവന്‍ പ്രവര്‍ത്തകരും കര്‍മരംഗത്തിറങ്ങണമെന്ന് ജില്ലാ പ്രസിഡന്റ് സയ്യിദ് മുബശിര്‍ തങ്ങള്‍ ജമലുല്ലൈലിയും ജനറല്‍ സെക്രട്ടറി ഒ.പി അഷ്‌റഫ് കുറ്റിക്കടവും അഭ്യര്‍ഥിച്ചു.