ഗൂഡല്ലൂര്‍: നിലഗിരി ജില്ലയില്‍ ലീഗിനെ കെട്ടിപ്പടുക്കുന്നതില്‍ സുപ്രധാന പങ്ക് വഹിച്ച വ്യക്തിയാണ് എം.എ സലാമെന്ന് മുസ്്‌ലിം ലീഗ് കേരള പ്രസിഡന്റ് പാണക്കാട് ഹൈദരലി ശിഹാബ് തങ്ങള്‍.
പൊതു പ്രവര്‍ത്തനങ്ങളിലുടെ ജനമനസുകള്‍ കീഴടക്കിയ എം.എ സലാം റാവുത്തറുടെ പ്രവര്‍ത്തനങ്ങള്‍ എന്നും സ്മരിക്കപ്പെടുമെന്ന് പാണക്കാട് സ്വാദിഖലി ശിഹാബ് തങ്ങള്‍ അനുശോചന യോഗത്തില്‍ പറഞ്ഞു.
മുസ്‌ലിം ലീഗ് ദേശീയ പ്രസിഡന്റ് ഖാദര്‍ മൊയ്തീന്‍, ദേശീയ സെക്രട്ടറി പി.കെ കുഞ്ഞാലികുട്ടി എം.പി എന്നിവര്‍ അനുശോചിച്ചു. സമസ്തക്ക് വിശ്വസ്തനായ ഗുണകാംക്ഷിയെയാണ് നഷ്ടമായതെന്ന് എസ്.കെ.എസ്.എസ്.എഫ് തമിഴ്‌നാട് ത്വലബാ സമ്മേളനം അനുശോചന പ്രമേയത്തില്‍ പറഞ്ഞു.
പരേതന് വേണ്ടി പ്രത്യേക പ്രാര്‍ഥനയോടെ സമ്മേളനത്തിന് തുടക്കമായി.