തലശ്ശേരി: ലഹരി ഗുളിക കൈവശം വയ്ക്കുകയും വില്‍ക്കാന്‍ ശ്രമിക്കുകയും ചെയ്തതിന് മൂന്നുപേരെ പൊലിസ് അറസ്റ്റ് ചെയ്തു. സെയ്താര്‍ പള്ളിയിലെ സമീര്‍(35), പുന്നോല്‍ കരിയാടന്‍ നിസാര്‍(34), ചിറക്കരയിലെ മുഹമ്മദ് ജലീല്‍(32) എന്നിവരെയാണ് തലശേരി സി.ഐ കെ.ഇ പ്രേമരാജന്‍ അറസ്റ്റ് ചെയ്തത്. ഇവര്‍ സഞ്ചരിച്ച ഓട്ടോറിക്ഷയും കസ്റ്റഡിയിലെടുത്തു. ബുധനാഴ്ച രാത്രി കൊടുവള്ളിയില്‍ ഓട്ടോയില്‍ ഗുളികയുമായി വില്‍പ്പന നടത്തുന്നതിനിടെയാണ് സംഘം പിടിയിലായത്. ഇവരില്‍ നിന്നു 24 ഗുളികള്‍ അടങ്ങിയ പേക്കറ്റ് പിടിച്ചെടുത്തു. വില്‍പ്പന നടത്തുന്ന വിവരം അറിഞ്ഞ് നാട്ടുകാര്‍ ഇവരെ തടഞ്ഞുവച്ച് പൊലിസിനെ വിവരം അറിയിക്കുകയായിരുന്നു.