കോഴിക്കോട്: റോഹിംഗ്യന്‍ ജനതയോട് ഐക്യദാര്‍ഢ്യം പ്രകടിപ്പിച്ച് എസ്.കെ.എസ്.എസ്.എഫ് ജില്ലയിലെ നൂറ് ക്ലസ്റ്റര്‍ കേന്ദ്രങ്ങളില്‍ ഇന്ന് നടത്തുന്ന റാലികളും എസ്.വൈ.എസ് സംസ്ഥാന കമ്മിറ്റി നാളെ വൈകുന്നേരം മൂന്നിന് കോഴിക്കോട്ട് നടത്തുന്ന പ്രതിഷേധ റാലിയും പൊതു സമ്മേളനവും വിജയിപ്പിക്കണമെന്ന് സുന്നി യുവജനസംഘം കോഴിക്കോട് ജില്ലാ സെക്രട്ടേറിയറ്റ് യോഗം അഭ്യര്‍ഥിച്ചു.
യോഗത്തില്‍ സി.എച്ച് മഹ്്മൂദ് സഅദി അധ്യക്ഷനായി. നാസര്‍ ഫൈസി കൂടത്തായി, കെ.പി കോയ, അബൂബക്കര്‍ ഫൈസി മലയമ്മ, സൈനുല്‍ ആബിദീന്‍ തങ്ങള്‍, ടി.പി.സി തങ്ങള്‍, മജീദ് ദാരിമി ചളിക്കോട്, അഷ്‌റഫ് ബാഖവി ചാലിയം, സയ്യിദ് അലി തങ്ങള്‍ പാലേരി, കുഞ്ഞഹമ്മദ് ബാഖവി നിട്ടൂര്‍, ഉമ്മര്‍ ബാഖവി ഓമശ്ശേരി, എ.ടി മുഹമ്മദ് മാസ്റ്റര്‍, എം.കെ മുഹമ്മദ് ഹാജി കിനാലൂര്‍, മുഹമ്മദ് പടിഞ്ഞാറത്തറ, അബ്ദുലത്തീഫ് കുട്ടമ്പൂര്‍ സംസാരിച്ചു.