കാഞ്ഞങ്ങാട്: സ്‌കൂള്‍ പരിസരത്ത് കൂടു കൂട്ടിയ ഭീമന്‍ വിഷക്കടന്നല്‍ക്കൂട്ടം ഭീഷണി ഉയര്‍ത്തുന്നു. കാഞ്ഞങ്ങാട് സൗത്ത് ഗവ. വൊക്കേഷണല്‍ ഹയര്‍ സെക്കന്‍ഡറി സ്‌കൂള്‍ പരിസരത്തെ തെങ്ങിലാണു കടന്നല്‍ക്കൂട് രൂപപ്പെട്ടത്.
കിഴക്കു വശത്തെ ക്ലാസ് മുറിയോടു ചേര്‍ന്നാണു തെങ്ങുള്ളത്. കഴിഞ്ഞ ദിവസം പ്രദേശത്തെ രണ്ടു പേര്‍ക്കു കടന്നല്‍ കുത്തേറ്റപ്പോഴാണു തെങ്ങിലെ കടന്നല്‍ക്കൂട് ശ്രദ്ധയില്‍പ്പെട്ടത്. സ്‌കൂള്‍ അവധിയായതാണ് ഇപ്പോള്‍ ആശ്വാസം.
നഗരസഭാധികൃതരെ വിവരം അറിയിച്ചിട്ടുണ്ടെന്നു സ്‌കൂള്‍ അധികൃതര്‍ പറഞ്ഞു.