കാസര്‍കോട്: യുവതിയെ പുഴയില്‍ മരിച്ച നിലയില്‍ കണ്ടെത്തി. ഇവരുടെ മകളും പുഴയില്‍ വീണതായി സംശയം ഉയര്‍ന്നതിനെ തുടര്‍ന്ന് രക്ഷാ പ്രവര്‍ത്തകര്‍ തെരച്ചില്‍ നടത്തിവരികയാണ്.

മൊഗ്രാല്‍ കമ്പാറിനടുത്ത ഉടുവയിലാണ് സംഭവം. ഇന്നു രാവിലെ 10.30 ഓടെയാണ് കമ്പാറിലെ അബ്ദുല്ലയുടെ ഭാര്യ മറിയുമ്മ (45 )യുടെ മൃതദേഹം മൊഗ്രാല്‍ പുഴയില്‍ നിന്നു കണ്ടെത്തിയത്. മറിയുമ്മ വീട്ടില്‍ നിന്നു രാവിലെ അടക്കാ തോട്ടത്തിലേക്ക് പോകുന്നുവെന്ന് പറഞ്ഞാണ് ആറ് വയസുകാരിയായ മകള്‍ മുര്‍ഷിദയെയും കൊണ്ട് പുറത്തിറങ്ങിയത്.

പിന്നീട് പ്രദേശവാസികളാണ് പുഴയില്‍ മറിയുമ്മയെ കണ്ടെത്തിയത്. ഇതേത്തുടര്‍ന്ന് നാട്ടുകാര്‍ പുഴയില്‍ നിന്നു ഇവരെ കരക്കെടുത്തെങ്കിലും അപ്പോഴേക്കും മരിച്ചിരുന്നു. മുര്‍ഷിദക്കു വേണ്ടി അഗ്‌നിരക്ഷാ ശമനസേനാ പ്രവര്‍ത്തകരും മറ്റും പുഴയില്‍ തെരച്ചില്‍ നടത്തി വരുകയാണ്.