കയ്പമംഗലം: റോഹിംഗ്യന്‍ മുസ്‌ലിംകള്‍ക്കെതിരേ മ്യാന്മര്‍ ഭരണകൂടവും ബുദ്ധ ഭീകരവാദികളും നടത്തുന്ന കൊടുംക്രൂരതക്കെതിരേ എസ്.കെ.എസ്.എസ്.എഫ് കയ്പമംഗലം മേഖല കമ്മിറ്റിയുടെ ആഭിമുഖ്യത്തില്‍ മൂന്നുപീടികയില്‍ പ്രകടനവും പൊതുയോഗവും നടത്തി.
എസ്.കെ.ജെ.എം മതിലകം റൈഞ്ച് ജനറല്‍ സെക്രട്ടറി ജഅ്ഫര്‍ മുസ്‌ലിയാര്‍ ഉദ്ഘാടനം ചെയ്തു. മ്യാന്മറില്‍ മുസ്‌ലിം സമൂഹത്തിനെതിരേ നടക്കുന്ന കൂട്ടക്കുരുതി അവസാനിപ്പിക്കാന്‍ ഇന്ത്യ ഇടപെടണമെന്ന് അദ്ദേഹം പറഞ്ഞു. ഷഫീഖ് ഫൈസി, തൗഫീഖ് വാഫി, ഷിഹാബ് മുസ്‌ലിയാര്‍, മുഈനുദ്ദീന്‍ വാഫി നേതൃത്വം നല്‍കി.