കൊച്ചി: നടിയെ ആക്രമിച്ച സംഭവത്തിലെ ഗൂഢാലോചനക്കേസില്‍ അറസ്റ്റിലായി ജയിലില്‍ കഴിയുന്ന നടന്‍ ദിലീപിന് പിന്തുണയുമായി നടന്‍ ശ്രീനിവാസന്‍ വീണ്ടും. ദിലീപ് തെറ്റ് ചെയ്‌തെന്ന് വിശ്വസിക്കുന്നില്ലെന്നും അദ്ദേഹത്തിന്റെ നിരപരാധിത്വം കാലം തെളിയിക്കുമെന്നും ശ്രീനിവാസന്‍ മാധ്യമപ്രവര്‍ത്തകരോട് പറഞ്ഞു.
ദിലീപ് ഇത്തരമൊരു മണ്ടത്തരം കാണിക്കുമെന്ന് കരുതുന്നില്ലെന്നും അദ്ദേഹം കൂട്ടിച്ചേര്‍ത്തു. സമാനമായ അഭിപ്രായ പ്രകടനത്തിലൂടെ ദിലീപിനെ പിന്തുണച്ച് ശ്രീനിവാസന്‍ നേരത്തെയും രംഗത്തെത്തിയിരുന്നു.