കൊല്ലം: മാധ്യമ പ്രവര്‍ത്തക ഗൗരീ ലങ്കേഷിന്റെ കൊലപാതകത്തില്‍ കൊച്ചുപ്ലാംമൂട് കെ.പി.പി യൂനിയന്‍ ഗ്രന്ഥശാല അതിജീവനം ഗ്രാമീണ കൂട്ടായ്മ പ്രതിഷേധിച്ചു.
എഴുത്തുകാര്‍ക്കും മാധ്യമ പ്രവര്‍ത്തകര്‍ക്കുമെതിരേ വര്‍ധിച്ചു വരുന്ന ആക്രമണങ്ങളില്‍ പ്രതിഷേധിച്ച് അതിജീവനം ഗ്രാമീണ കൂട്ടായ്മയുടെ ആഭിമുഖ്യത്തില്‍ 12ന് വൈകിട്ട് അഞ്ച് മണിക്ക് കൊച്ചുപ്ലാംമൂട് ജങ്ഷനില്‍ പ്രതിഷേധ സംഗമം നടക്കും. ചിറ്റുമല ബ്ലോക്ക് പഞ്ചായത്ത് പ്രസിഡന്റ് സി.സന്തോഷ് ഉദ്ഘാടനം നിര്‍വഹിക്കും. കാഥികന്‍ കല്ലട വി.വി ജോസ് മുഖ്യ പ്രഭാഷണം നടത്തും. ആര്‍ട്ടിസ്റ്റ് ജയരാജിന്റെ നേതൃത്വത്തില്‍ പ്രതിഷേധ ചിത്രരചനയും നടക്കും. അതിജീവനം ഗ്രാമീണ കൂട്ടായ്മ കണ്‍വീനര്‍ വൈ ബൈജൂമോന്‍,വികസന സ്റ്റാന്‍ഡിംഗ് കമ്മിറ്റി ചെയര്‍മാന്‍ സി ബിനു, എ പ്രകാശ് ബാബു, എന്‍ സത്യപ്രകാശ് സംസാരിക്കും.