കൊച്ചി: നടന്‍ ദിലീപിനെതിരേ ഗുരുതര ആരോപണവുമായി നടന്‍ അനൂപ് ചന്ദ്രന്‍ രംഗത്ത്. തന്നെ ദിലീപ് ഭീഷണിപ്പെടുത്തിയെന്നും സിനിമയില്‍ അവസരങ്ങള്‍ ഇല്ലാതാക്കിയെന്നും അനൂപ് ചന്ദ്രന്‍ പറഞ്ഞു. ഇക്കാര്യങ്ങള്‍ ഉള്‍പ്പെടുത്തി അനൂപ് ദിലീപിനെതിരേ പൊലിസിന് മൊഴി നല്‍കിയിട്ടുണ്ട്.

ദിലീപ് നാടനായ മോസ് ആന്‍്ഡ് ക്യാറ്റ് സിനിമയുടെ ചിത്രീകരണത്തിനിടെയാണ് തന്നെ ഭീഷണിപ്പെടുത്തിയതെന്നും ഒതുക്കിക്കളയുമെന്ന് ഭീഷണിപ്പെടുത്തിയതെന്നും അനൂപ് ചന്ദ്രന്‍ മൊഴി നല്‍കി. നടിയെ ആക്രമിച്ച കേസ് അന്വേഷിക്കുന്ന പ്രത്യേക അന്വേഷണ സംഘത്തിനാണ് അനൂപ് മൊഴി നല്‍കിയത്.

മിമിക്രിക്കെതിരേ അഭിപ്രായം പറഞ്ഞതിനാണ് ദിലീപ് തനിക്കെതിരേ തിരിഞ്ഞതെന്നും അനൂപ് കൂട്ടിച്ചേര്‍ത്തു.