നീലേശ്വരം: കിനാനൂര്‍-കരിന്തളം പഞ്ചായത്തിലെ മയ്യങ്ങാനം ചേമ്പേന നിവാസികളുടെ ചിരകാലാഭിലാഷമായിരുന്ന റോഡ് ജനകീയ കൂട്ടായ്മമയില്‍ നിര്‍മിച്ചു. ചേമ്പേന എസ്. ടി കോളനിയില്‍ നിന്നും മയ്യങ്ങാനം പി.എം.ജി.എസ്.വൈ റോഡു വരെയാണ് പുതുതായി റോഡ് നിര്‍മിച്ചത്. നിര്‍മാണ പ്രവൃത്തി ഉദ്ഘാടനം പതിനൊന്നാം വാര്‍ഡ് അംഗം സി.വി ബാലകൃഷ്ണന്‍ നിര്‍വഹിച്ചു. പന്ത്രണ്ടാം വാര്‍ഡ് അംഗം ലിസി വര്‍ക്കി അധ്യക്ഷയായി. വി. ശംഭു, കെ.രാമചന്ദ്രന്‍, കെ.വിജയഗോപാലന്‍, കെ.രാഘവന്‍, ബാബു ചേമ്പേന എന്നിവര്‍ സംസാരിച്ചു.