കണ്ണൂര്‍: ഉമ്മന്‍ചാണ്ടിയെ പ്രതിപക്ഷ നേതാവാക്കണമെന്ന കെ. മുരളീധരന്റെ പ്രസ്താവനയ്ക്ക് മറുപടിയുമായി കെ.പി.സി.സി വൈസ് പ്രസിഡന്റ് വി.ഡി സതീശന്‍ എം.എല്‍.എ. പ്രതിപക്ഷ നേതൃസ്ഥാന മാറ്റം ഇപ്പോള്‍ കോണ്‍ഗ്രസിന്റെ അജന്‍ഡയിലില്ലെന്നും ഇക്കാര്യം ഉയര്‍ത്തിക്കൊണ്ടു വന്ന് പാര്‍ട്ടിയെ കുഴപ്പത്തിലാക്കരുതെന്നും അദ്ദേഹം പറഞ്ഞു. ഒരു സ്ഥാനവും വേണ്ടെന്ന് ഉമ്മന്‍ചാണ്ടി ആവര്‍ത്തിച്ചു വ്യക്തമാക്കിയതാണ്. ഇപ്പോള്‍ അനാവശ്യമായി ഉമ്മന്‍ചാണ്ടിയുടെ പേര് വലിച്ചിഴച്ച് കെ. മുരളീധരന്‍ അദ്ദേഹത്തെ അപമാനിക്കുകയാണെന്നും സതീശന്‍ കണ്ണൂരില്‍ മാധ്യമപ്രവര്‍ത്തകരോടു പറഞ്ഞു.