കൊച്ചി: സംസ്ഥാനത്തെ മല്‍സ്യമേഖലയില്‍ കേന്ദ്രസര്‍ക്കാരിന്റെ അവഗണന തുടരുന്നതിനെതിരേ അരലക്ഷം പേരെ അണിനിരത്തി സംഗമം സംഘടിപ്പിക്കുമെന്ന് കേരള സംസ്ഥാന മല്‍സ്യത്തൊഴിലാളി ഫെഡറേഷന്‍ (സിഐടിയു ) വാര്‍ത്താസമ്മേളനത്തില്‍ അറിയിച്ചു.
സംഘടനയുടെ നേതൃത്വത്തില്‍ ഒക്‌ടോബര്‍ ഏഴിന് ആലപ്പുഴയില്‍ നടക്കുന്ന സംഗമം മുഖ്യമന്ത്രി പിണറായി വിജയന്‍ ഉദ്ഘാടനം ചെയ്യും. ഏപ്രിലില്‍ കേന്ദ്രസര്‍ക്കാര്‍ പ്രസിദ്ധീകരിച്ച മല്‍സ്യനയം ബഹുരാഷ്ട്ര കമ്പനികളെ സംരക്ഷിക്കുന്നതിനാണെന്ന ്ജനറല്‍ സെക്രട്ടറി പി.പി ചിത്തരഞ്ജന്‍ വാര്‍ത്ത സമ്മേളനത്തില്‍ ആരോപിച്ചു.