മട്ടാഞ്ചേരി: ഒരു കാലത്ത് കൊച്ചിയുടെ ഗോദകളില്‍ കരുത്തിന്റെ പ്രതീകമായി നിറഞ്ഞു നിന്നിരുന്ന ഫയല്‍വാന്‍ കുഞ്ഞുവിന്റെ സ്മരണാര്‍ഥം ജില്ലാ തല ഗുസ്തി മത്സരം സംഘടിപ്പിച്ചു. ഫോര്‍ട്ടുകൊച്ചി വാസ്‌കോഡ ഗാമ സ്‌ക്വയറില്‍ നടന്ന മത്സരത്തില്‍ മട്ടാഞ്ചേരി കൊച്ചിന്‍ ജിംനേഷ്യം ഓവറോള്‍ കിരീടം നേടി.
സീനിയര്‍ വിഭാഗത്തില്‍ കൊച്ചിന്‍ ജിംനേഷ്യം ഒന്നാം സ്ഥാനം കരസ്ഥമാക്കി. പെരുമ്പാവൂര്‍ ബിജൂസ് ഗോള്‍ഡന്‍ ജിംനേഷ്യം രണ്ടും, സാര്‍ക്ക് കൊച്ചി മൂന്നും സ്ഥാനക്കാരായി .
ജൂനിയര്‍ വിഭാഗത്തിന്‍ കണ്ടകടവ് സെന്റ്. സേവ്യേഴ്‌സ് പബ്ലിക് സ്‌കൂള്‍ ഒന്നും, വൈപ്പിന്‍ റസ്‌ലിങ് ക്ലബ്ബ് അക്കാദമി രണ്ടും മട്ടാഞ്ചേരി ഹാജി ഈസ ഹാജി മൂസ ഹൈസ്‌കൂള്‍ മുന്നും സ്ഥാനക്കാരായി. സബ് ജൂനിയര്‍ വിഭാഗത്തില്‍ വൈപ്പിന്‍ റസ് ലിങ് ഒന്നാം സ്ഥാനം കരസ്ഥമാക്കി. സെന്റ്. സേവ്യേഴ്‌സ് പബ്ലിക് സ്‌കൂള്‍ രണ്ടും മൂവാറ്റുപുഴ ഇന്റര്‍നാഷണല്‍ ജിംനേഷ്യം മൂന്നും സ്ഥാനങ്ങള്‍ നേടി.
സ്‌പോര്‍ട്‌സ് കൗണ്‍സിലംഗം വി.എം ഷംസുദ്ധീന്‍ മത്സരം ഉദ്ഘാടനം ചെയ്തു. കെ.കെ.നദീര്‍ അധ്യക്ഷത വഹിച്ചു.അന്തര്‍ ദേശീയ ഗുസ്തി റഫറി എം.എം സലീം , എം.ആര്‍ രജീഷ് , സി.യു ഷിഹാബ് റഹ്മാന്‍ എന്നിവര്‍ സംസാരിച്ചു.