തിരൂര്‍: നഗരത്തിലെ അണ്ടര്‍ ബ്രിഡ്ജ് പാത്ത് വേയില്‍ അനധികൃത പാര്‍ക്കിങ് കാല്‍നടയാത്രക്കാര്‍ക്ക് പ്രയാസമുണ്ടാക്കുന്നതായി പരാതി. തിരൂര്‍ സെന്‍ട്രല്‍ ജങ്ഷനില്‍ നിന്ന് തുടങ്ങി റെയില്‍വെ ട്രാക്കിന് മുകളിലൂടെ കടന്നുപോകുന്ന ഓവര്‍ബ്രിഡ്ജിന് താഴെയായുള്ള പാത്ത് വേയിലാണ് ഇരുചക്രവാഹനങ്ങള്‍ അനധികൃതമായി പാര്‍ക്ക് ചെയ്യുന്നത്.
പത്തും ഇരുപതും ഇരുച്ചക്രവാഹനങ്ങള്‍ പ്രദേശത്ത് പല ദിവസങ്ങളിലും നിര്‍ത്തിയാടാറുണ്ട്. ഇതിനാല്‍ ഇതുവഴി കടന്നുപോകുന്ന കാല്‍നട യാത്രക്കാര്‍ക്ക് ബുദ്ധിമുട്ടുണ്ടാകുന്നതായാണ് പരാതി ഉയര്‍ന്നിരിക്കുന്നത്.
എന്നാല്‍ നഗരത്തിലൊരിടത്തും വാഹനങ്ങള്‍ പാര്‍ക്ക് ചെയ്യാന്‍ സൗകര്യമില്ലാത്തതിനാലാണ് അണ്ടര്‍ ബ്രിഡ്ജ് വേയില്‍ ഇരുചക്രവാഹനങ്ങള്‍ കൊണ്ടുപോയി നിര്‍ത്തിയിടുന്നതെന്നാണ് വാഹനയുടമകള്‍ പറയുന്നത്.