ചാവക്കാട്: ഓണാഘോഷത്തിനിടയില്‍ യുവാവിന് കുത്തേറ്റ കേസിലെ പ്രതി അറസ്റ്റില്‍. അഞ്ചങ്ങാടി തോണിപ്പാടം സൈനുദ്ദീനേയാണ് (35) എസ്.ഐ. എം.കെ.രമേഷ്, എ.എസ്.ഐ.അനില്‍ മാത്യു എന്നിവരുടെ നേതൃത്വത്തില്‍ പൊലീസ് അറസ്റ്റു ചെയ്തത്.
കഴിഞ്ഞ ശനിയാഴ്ച രാത്രി 9.30 ന് പ്രദേശത്ത് ഓണാഘോഷ പരിപാടി നടക്കുന്നതിനിടെ തൊട്ടാപ്പ് സ്വദേശി നാലകത്ത് നസീലിനാണ് (28) കുത്തേറ്റത്. നസീലിനോടൊപ്പമുണ്ടായിരുന്ന യുവതിക്കും പരിക്കേറ്റിരുന്നു. കുടുംബപ്രശ്‌നമാണ് സംഭവത്തിന് പിന്നിലെന്ന് പൊലീസ് പറഞ്ഞു.പ്രതിയുമായി സംഭവ സ്ഥലത്ത് തെളിവെടുപ്പ് നടത്തി. ആക്രമണത്തിന് ഉപയോഗിച്ച കത്തി പൊലീസ് കണ്ടെടുത്തു.കോടതിയില്‍ ഹാജരാക്കിയ പ്രതിയെ റിമാന്‍ഡ് ചെയ്തു.