മണ്ണഞ്ചേരി: ക്ഷേത്രത്തിലെ പൂജ സമയത്ത് വീട്ടമ്മയുടെ സ്വര്‍ണ മാല അപഹരിച്ച നാടോടി സ്ത്രീയെ പൊലിസ് പിടികൂടി.മേട്ടുപ്പാളയം, പുലയര്‍ കോവില്‍ സ്ട്രീറ്റില്‍ വാസന്തി (45) യെയാണ് മണ്ണഞ്ചേരി പൊലീസ് പിടികൂടിയത്.വലിയ കലവൂര്‍ ക്ഷേത്ര പരിസരത്ത് ചൊവ്വാഴ്ച്ച രാവിലെയായിരുന്നു സംഭവം. മാരാരിക്കുളം വടക്ക് പഞ്ചായത്ത് നാലാം വാര്‍ഡ് കാരിക്കല്‍ വീട്ടില്‍ രവീന്ദ്രന്‍ നായരുടെ ഭാര്യ രാധാദേവി (62) ന്റെ മൂന്ന് പവന്‍ പവന്‍ തൂക്കം വരുന്ന മാലയാണ് മോഷ്ട്ടിച്ചത്.ക്ഷേത്രത്തില്‍ ഡ്യൂട്ടിയിലുണ്ടായിരുന്ന വനിതാ സിവില്‍ പോലീസ് ഓഫിസര്‍മാരായ സതി,ജസ് ലിന്‍ എന്നിവരാണ് പ്രതിയെ പിടികൂടിയത്.