റിയാദ്: യമനിലെ മൂന്നിടങ്ങളില്‍ നടത്തിയ ആക്രമണങ്ങള്‍ തെറ്റായിരുന്നുവെന്ന് സഊദിയുടെ നേതൃത്വത്തിലുള്ള സഖ്യ സേന പറഞ്ഞു. ആക്രമങ്ങളില്‍ അന്വേഷണം നടത്തിയ സംയുക്ത സമിതിയുടെ റിപ്പോര്‍ട്ടിലാണ് ഇക്കാര്യം വ്യക്തമാക്കിയത്.
സഊദി നേതൃത്വത്തിലുള്ള സഖ്യ സേന നടത്തിയ ആക്രമണങ്ങളില്‍ മൂന്നെണ്ണം അപ്രതീക്ഷിതമായി സംഭവിച്ചതാണെന്നു സംയുക്ത അന്വേഷണ സംഘം വക്താവ് മന്‍സൂര്‍ അഹ്മദ് അല്‍ മന്‍സൂര്‍ പറഞ്ഞു.
എന്നാല്‍ വിവിധ ആക്രമണങ്ങളിലെ അന്വേഷണത്തില്‍ വിമത വിഭാഗം നടത്തിയ നിരവധി അനാവശ്യ ആക്രമണത്തിന്റെ തെളിവുകള്‍ കണ്ടെണ്ടത്തിയതായും അദ്ദേഹം ആരോപിച്ചു.