കൊല്‍ക്കത്ത: ഫുട്‌ബോള്‍ രാജ്യമെന്ന പെരുമയിലേക്ക് ഉയരാനുള്ള അവസരമായി ഫിഫ അണ്ടര്‍ 17 ലോകകപ്പിന്റെ ആതിഥേയത്വത്തെ ഇന്ത്യ മാറ്റണമെന്ന് ഇതിഹാസ താരമായിരുന്ന പി.കെ ബാനര്‍ജി. ഇന്ത്യക്കായി ലോകകപ്പില്‍ കളിക്കാനിറങ്ങുന്ന താരങ്ങള്‍ ഭാവിയിലെ പ്രതീക്ഷകളാണ്. ലോകകപ്പിന്റെ ചുവട് പിടിച്ച് ഇന്ത്യ കൂടുതല്‍ അണ്ടര്‍ 17, 19, 20 മത്സരങ്ങളില്‍ പങ്കെടുക്കേണ്ടതുണ്ടെന്നും അണ്ടര്‍ 20 ലോകകപ്പില്‍ സ്ഥാനം നേടാനുള്ള ശ്രമങ്ങള്‍ ഉണ്ടാകണമെന്നും അദ്ദേഹം വ്യക്തമാക്കി.
20ാം നൂറ്റാണ്ട് കണ്ട ഏറ്റവും മികച്ച ഇന്ത്യന്‍ ഫുട്‌ബോളറായി ഫിഫ പരിഗണിച്ച മുന്‍ ഇന്ത്യന്‍ താരവും പരിശീലകനുമാണ് പി.കെ ബാനര്‍ജി.