കോട്ടയം: ക്‌നാനായ സമുദായത്തിലെ വ്യവസായ സംരഭകരുടെ കൂട്ടായ്മയായ വേക്കിന്റെ ആഭിമുഖ്യത്തില്‍ സംഘടിപ്പിക്കുന്ന എക്‌സ്‌പോ 15 മുതല്‍ 17 വരെ ചിങ്ങവനം സെന്റ് ജോണ്‍സ് ദയറാ പള്ളിയില്‍ നടക്കും. വിവിധ ക്ലാസുകളും കലാപരിപാടികള്‍ക്കും ഒപ്പം വിവിധ സംരഭകരെ ആദരിക്കുന്ന ചടങ്ങും നടക്കും. 15ന് രാവിലെ 11.30ന് നഗരസഭ ചെയര്‍പേഴ്‌സണ്‍ ഡോ. പി.ആര്‍ സോന സ്റ്റാള്‍ ഉദ്ഘാടനം നിര്‍വഹിക്കും. വൈകുന്നേരം 7ന് മുന്‍ മുഖ്യമന്ത്രി ഉമ്മന്‍ചാണ്ടി മേള ഉദ്ഘാടനം ചെയ്യും.
16ന് ഉച്ചയ്ക്ക് 12ന് മീറ്റ് ദ ബിസിനസ് വുമണ്‍, രാത്രി 7ന് ബിസിനസ് എക്‌സലന്‍സ് അവാര്‍ഡ് നൈറ്റ് എന്നിവ നടക്കും. 17ന് നടക്കുന്ന സമാപന സമ്മേളനത്തില്‍ മന്ത്രി മാത്യു ടി. തോമസ്, ജോസ് കെ. മാണി എം.പി, എം.എല്‍.എമാരായ തിരുവഞ്ചൂര്‍ രാധാകൃഷ്ണന്‍ , രാജു ഏബ്രഹാം എന്നിവര്‍ പങ്കെടുക്കും. 17ന് വൈകുന്നേരം 5ന് ക്‌നാനായ കുടിയേറ്റ ഷോഘയാത്ര ആരംഭിക്കും. വാര്‍ത്താസമ്മേളനത്തില്‍ തോമസ് ജോണ്‍ കുളങ്ങര, ജോബി ജോയ് വിലങ്ങന്‍പാറ എന്നിവര്‍ പങ്കെടുത്തു.