മോസ്‌കോ: റഷ്യയും ബെലാറസും തമ്മില്‍ വന്‍ സൈനിക പരിശീലനം. ബലാറസില്‍ 'സ്പാഡ് 2017' എന്ന പേരില്‍ ആരംഭിച്ച സൈനിക പരിശീലനത്തെ സമീപത്തെ നാറ്റോ രാജ്യങ്ങള്‍ ആശങ്കയോടെയാണു നോക്കിക്കാണുന്നത്.
2014ല്‍ ക്രീമിയയെ തങ്ങളുടെ അധികാര പരിധിയിലേക്കു കൂട്ടിച്ചേര്‍ത്തതിനുശേഷം നടത്തുന്ന ഏറ്റവും വലിയ സൈനികാഭ്യാസത്തിനാണ് ഇപ്പോള്‍ റഷ്യ തുടക്കമിട്ടിരിക്കുന്നത്.
12,700 സൈനികരാണു പരിശീലനത്തില്‍ പങ്കെടുക്കുന്നത്. യുദ്ധക്കപ്പല്‍, വിമാനങ്ങള്‍ ഉള്‍പ്പടെയുള്ള ഉപകരണങ്ങള്‍ പരിശീലനത്തിനായി ഉപയോഗിക്കുന്നുണ്ട്.