കോഴിക്കോട്: പെട്രോളിന്റെയും ഡീസലിന്റെയും അനിയന്ത്രിതമായ വില വര്‍ധനവില്‍ പ്രതിഷേധിച്ച് യൂത്ത് കോണ്‍ഗ്രസ് കോഴിക്കോട് ലോക്‌സഭാ മണ്ഡലം കമ്മിറ്റിയുടെ നേതൃത്വത്തില്‍ ചക്രസ്തംഭന സമരം നടത്തി. എലത്തൂരിലെ ദേശീയപാതയില്‍ നടന്ന ഉപരോധം മണിക്കൂറോളം നീണ്ടുനിന്നു.
യൂത്ത് കോണ്‍ഗ്രസ് ലോക്‌സഭാ മണ്ഡലം പ്രസിഡന്റ് ജൈസല്‍ അത്തോളി ഉദ്ഘാടനം ചെയ്തു. സവിന്‍ മോനു അധ്യക്ഷനായി. ബവീഷ് ചേളന്നൂര്‍, കെ.പി രംഗിഷ്‌കുമാര്‍, ടി.പി ഫിറോസ്, സുബീഷ് വെങ്ങാലി, വി.ടി.കെ ഷിജു, ഹാഫിക് എലത്തൂര്‍, വൈശാല്‍ കല്ലാട്ട്, വി.എം ഷിബീഷ് നേതൃത്വം നല്‍കി.