അഞ്ചുകുന്ന്: ഗാന്ധി മെമ്മോറിയല്‍ യു.പി സ്‌കൂളില്‍ സ്‌നേഹപൂര്‍വ്വം സുപ്രഭാതം പദ്ധതിക്ക് തുടക്കമായി. കൂളിവയല്‍ സ്വദേശി കുന്നത്ത് താജുദ്ദീനും ശാഖാ എസ്.കെ.എസ്.എസ്.എഫും സംയുക്തമായാണ് പത്രം സ്‌പോണ്‍സര്‍ ചെയ്തത്.
മുസ്്‌ലിംലീഗ് ജില്ലാ വൈസ് പ്രസിഡന്റ് പി ഇബ്‌റാഹീം മാസ്റ്റര്‍ സ്‌കൂള്‍ ലീഡര്‍ നിധി റോസിന് കോപ്പി നല്‍കി പദ്ധതി ഉദ്ഘാടനം ചെയ്തു. പി.ടി.എ പ്രസിഡന്റ് അബ്ദുല്‍ അസീസ് മാനിയില്‍ അധ്യക്ഷനായി. സുപ്രഭാതം ഓര്‍ഗനൈസര്‍ ഹാരിസ് ബാഖവി പദ്ധതി വിശദീകരിച്ചു. അധ്യാപകരായ ഷിജി മോള്‍ ജെയിംസ്, എല്‍സമ്മ, ഡെയ്‌സി, ജോയ്‌സ്, മേരി ഗ്രേയ്‌സ്, യൂസഫ്, അര്‍ഷദ്, പി.ടി.എ ഭാരവാഹികളും എസ്.കെ.എസ്.എസ്.എഫ് ഭാരവാഹികളുമായ കുണ്ടാല അബ്ദുല്ല മൗലവി, കെ.എം വിനോദ് കുമാര്‍, സുഹൈല്‍ സ്വാലിഹി, നവാസ് ദാരിമി, മമ്മുട്ടി കൂളിവയല്‍, കെ ഹൈദര്‍, സിദ്ദീഖ്, ഉത്ത ഗഫൂര്‍, അബ്ദു ലത്തീഫ് സി.പി സംബന്ധിച്ചു.
പ്രധാനാധ്യാപകന്‍ കെ.എ സെബാസ്റ്റ്യന്‍ സ്വാഗതവും റോയ്‌സണ്‍ പിലാക്കാവ് നന്ദിയും പറഞ്ഞു. 1949ല്‍ സ്ഥാപിച്ച സ്‌കൂള്‍ കോഴിക്കോട് രൂപതയുടെ കീഴിലാണ് നിലവില്‍ പ്രവര്‍ത്തിക്കുന്നത്. പട്ടിക വര്‍ഗ വിദ്യാര്‍ഥികള്‍ ഭൂരിപക്ഷമുള്ള വിദ്യാലയത്തില്‍ അവരുടെ ഉന്നമനത്തിനും ഉയര്‍ച്ചക്കുമായി ഗോത്രതാളം എന്ന പേരില്‍ വിവിധ പദ്ധതികള്‍ ആവിഷ്‌കരിച്ചു നടപ്പിലാക്കി വരുന്നുണ്ട്.