പാലാ : പാലാ-തൊടുപുഴ റോഡില്‍ ഐങ്കൊമ്പില്‍ നിയന്ത്രണം വിട്ട കാര്‍ കലുങ്കിലിടിച്ച് കാര്‍ യാത്രക്കാരായ രണ്ടു യുവാക്കള്‍ക്ക് പരുക്കേറ്റു. ഈരാറ്റുപേട്ട സ്വദേശികളായ ഷമീര്‍(35), റുഷിദീന്‍ സലിം(32) എന്നിവര്‍ക്കാണ് പരുക്കേറ്റത്.
നാട്ടുകാര്‍ ഇവരെ പ്രവിത്താനത്തെ സ്വകാര്യ ആശുപത്രിയില്‍ പ്രവേശിപ്പിച്ചു. ഇന്നലെ രാവിലെ 8.30നാണ് അപകടം നടന്നത്. പാലായില്‍ നിന്നും ജോലി സ്ഥലമായ അങ്കമാലിയിലേയ്ക്ക് പോവുകയായിരുന്നു ഇരുവരും.
നിയന്ത്രണം വിട്ട കാര്‍ കലുങ്കിലിടിച്ചുകയറുകയായിരുന്നു. അങ്കമാലിയില്‍ വാഹനഷോറൂമിലെ ജീവനക്കാരാണ് ഇവര്‍. പരിക്ക് ഗുരുതരമല്ലെന്ന് ആശുപത്രി അധികൃതര്‍ പറഞ്ഞു.