കൊടുങ്ങല്ലൂര്‍: കാണാതായ കമ്മല്‍ തേടി, കിട്ടിയത് മാല. കളഞ്ഞുകിട്ടിയ സ്വര്‍ണ്ണം ഉടമയെ തിരിച്ചേല്‍പ്പിച്ച് റെജില്‍ മാതൃകയായി.
കൊടുങ്ങല്ലൂര്‍ വടക്കെ നടയിലെ സുപ്രീം ബേക്കറിയിലെ ജീവനക്കാരന്‍ കോത പറമ്പ് പതുപ്പുള്ളി ഷംസുദ്ദീന്റെ മകന്‍ റെജില്‍ ആണ് റോഡരികില്‍ നിന്നും കളഞ്ഞുകിട്ടിയ രണ്ടര പവന്റെ സ്വര്‍ണ്ണമാല ഉടമയ്ക്ക് തിരികെ നല്‍കിയത്. ബേക്കറിയില്‍ വന്ന മറ്റൊരു പെണ്‍കുട്ടിയുടെ കമ്മല്‍ നഷ്ടപ്പെട്ടുവെന്നറിഞ്ഞതിനെ തുടര്‍ന്ന് നടത്തിയ അന്വേഷണത്തിലാണ് കടയ്ക്ക് മുന്നിലെ നടപ്പാതയില്‍ നിന്നും മാല കണ്ടെത്തിയത്.
തുടര്‍ന്ന് കൊടുങ്ങല്ലൂര്‍ എസ്.ഐ കെ.ജെ ജിനേഷ് സ്റ്റേഷനില്‍ വെച്ച് ഉടമയായ പടാകുളം പാറയില്‍ കിഴക്കേ മഠം ശ്രീപാര്‍വ്വതിക്ക് മാല കൈമാറി.