പാലക്കാട്: പെട്രോള്‍ ഡീസല്‍ വില വര്‍ധനവിനെതിരേ യൂത്ത് കോണ്‍ഗ്രസ് ജി.ബി.റോഡ് ഉപരോധിച്ചു.
കോണ്‍ഗ്രസ് ജില്ലാ കമ്മറ്റി ഓഫിസില്‍ നിന്ന് പ്രകടനമായെത്തിയ പ്രവര്‍ത്തകരര നോര്‍ത്ത് എസ്.ഐയുടെ നേതൃത്വത്തില്‍ തടഞ്ഞു.
ഉപരോധസമരം ബോബന്‍ മാട്ടുമന്ത ഉദ്ഘാടനം ചെയ്തു. പ്രതിദിന വില വര്‍ധനവ് പ്രാബല്യത്തില്‍ വന്നതോടെ വിലയില്‍ വരുന്ന മാറ്റങ്ങള്‍ കാര്യമായി ശ്രദ്ധിക്കപ്പെടുകയോ വാര്‍ത്തയാകുകയോ ചെയ്യുന്നില്ല എന്നതിനാല്‍ കേന്ദ്ര സര്‍ക്കാര്‍ ജനജീവിതം ദുരിതത്തിലാക്കുകയാണ്.
പി. മുരുകാനന്ദന്‍ അധ്യക്ഷനായി. അനില്‍ ബാലന്‍, ബഷീര്‍ പൂച്ചിറ, ഹരിദാസ് മച്ചിങ്ങല്‍, ദിലീപ് മാത്തൂര്‍, ജയകുമാര്‍ ബി. ഷൈജു, വിനുപ്, റാഫി ജൈനിമേട്, സദ്ദാം, റിജേഷ്,സുമേഷ്, മന്‍സൂര്‍, പ്രശോഭ് സംസാരിച്ചു.