കൊല്ലം: റോഡു സുരക്ഷയ്ക്കായി സുപ്രീംകോടതി നിയോഗിച്ച കമ്മിറ്റിയുടെ നിര്‍ദ്ദേശാനസുരണം 'ഓപ്പറേഷന്‍ ഗ്രീന്‍ലൈറ്റ്' പദ്ധതി സിറ്റിപൊലിസ് കൊല്ലത്തും മോട്ടോര്‍ വെഹിക്കിള്‍ വിഭാഗത്തിന്റെ പങ്കാളിത്തത്തോടെ നടപ്പാക്കുന്നു.അപകടങ്ങള്‍ക്ക് കാരണമാകുന്ന അമിത വേഗത,മൊബൈല്‍ ഫോണ്‍ ഉപയോഗിച്ച് വാഹനം ഓടിക്കുക,ഓട്ടോറിക്ഷകളില്‍ സ്‌കൂള്‍ കുട്ടികളെ കുത്തിനിറച്ചുള്ള സഞ്ചരം,ചരക്കുവാഹനങ്ങളില്‍ യാത്രക്കാരെ കയറ്റുക,മദ്യപിച്ച് വാഹനമോടിക്കല്‍ തുടങ്ങിയ കുറ്റകൃത്യങ്ങളില്‍ ഏര്‍പ്പെടുന്നവരുടെ ഡ്രൈവിങ് ലൈസന്‍സ് റദ്ദാക്കാനുള്ള നടപടികള്‍ ആരംഭിച്ചുകഴിഞ്ഞതായി പൊലിസിന്റെ അറിയിപ്പില്‍ പറയുന്നു.