കോഴിക്കോട്: സത്യത്തെ അസത്യമാക്കാനും അസത്യത്തെ സത്യമാക്കാനും എഴുത്തുകാര്‍ക്കാവുമെന്ന് സമസ്ത കേരള ജംഇയ്യത്തുല്‍ ഉലമ അധ്യക്ഷനും സുപ്രഭാതം ചെയര്‍മാനുമായ സയ്യിദ് മുഹമ്മദ് ജിഫ്‌രി മുത്തുക്കോയ തങ്ങള്‍. സുപ്രഭാതം മൂന്നാം വാര്‍ഷികാഘോഷ പരിപാടിയില്‍ അധ്യക്ഷത വഹിച്ചു സംസാരിക്കുകയായിരുന്നു അദ്ദേഹം.

പത്രപ്രവര്‍ത്തകര്‍ക്ക് സമൂഹത്തില്‍ വലിയ പരിവര്‍ത്തനമുണ്ടാക്കാനാവും. അത് സത്യസന്ധമായിരിക്കണം. ഇക്കാര്യം സുപ്രഭാതം ശ്രദ്ധിക്കുന്നുണ്ടെന്നതിന് തെളിവാണ് ഈ വിജയമെന്നും അദ്ദേഹം പറഞ്ഞു.